კეთილი იყოს თქვენი მობრძანება ჩიქოვანების მამულში!
თუ გსურთ მოხვდეთ სამოთხეში დედამიწაზე - მთების, ჩანჩქერებისა და კანიონების საოცარ ველურ ბუნებაში, დატკბეთ ულამაზესი მთებისა და ღამით ვარსკვლავებით მოჭედილი ცის თაღის ცქერით, ან უბრალოდ მოწყდეთ ყოველდღიურ ერთფეროვნებას, მაშინ გელოდებით ჩიქოვანების ძველ მამულში! აქ თქვენ დაგხვდებათ ოთხსართულიანი სასახლე, უზარმაზარი ეზო ასწლოვანი ხეებით, მყუდრო კეთილმოწყობილი ნომრები საუკეთესო ხედებით, დიდი და მცირე საკონფერენციო დარბაზი, საცურაო აუზი, საუნა, ბარი, რესტორანი, სპორტული მოედნები, საბილიარდო, საკალმახე.
საუკეთესო გარემო დასვენებისათვის
უნიკალური ბუნება, სუფთა და გამჭვირვალე ჰაერი, დახვეწილი და მდიდარი სამზარეულო, ნატურალური, ჭურის ღვინო, ცნობილი ჭყუნტის არაყი, საცურაო აუზი და საუნა, საუკეთესო მომსახურება ქმნის სასიამოვნო გარემოს დასვენებისათვის. მოსულ სტუმარს შესაძლებლობა ექნება ითევზაოს მთის კალმახზე და ადგილზევე დააგემოვნოს საკუთარი ნადავლი. ყველა ნომერს გააჩნია სააბაზანო, აივანი, ლედ ტელევიზორი, მაცივარი.
საქმიანი შეხვედრების ორგანიზება
სასტუმროს გააჩნია 2 საკონფერენციო დარბაზი, (20 და 120 კაცზე.) რომლებიც აღჭურვილია LCD პროექტორით, ეკრანით, სალექციო პლაკატებით, დაფით. საჭიროების შემთხვევაში შესაძლებელია დარბაზის უზრუნველყოფა სინქრონული თარგმანის სისტემით, მიკროფონებით, საკონფერენციო ყურსასმენებით და სხვა აუცილებელი საშუალებებით. სასტუმროს გააჩნია ლანჩით და ფურშეტით მომსახურების სერვისები.
ადგილი თქვენი დღესასწაულებისათვის
სასტუმროში ფუნქციონირებს რესტორანი, სადაც შესაძლებლობა გეძლევათ შეუკვეთოთ დღესასწაულების, იუბილეების და ქორწილების სრული ორგანიზება. აქ შეგიძლიათ დააგემოვნოთ როგორც ქართული, ისე ევროპული კერძები. მიირთვათ იმერული და კახური ტექნოლოგიით დამზადებული ნატურალური ღვინოები. რესტორნის ინტერიერს ორგანულად ეწყმის ბარელიეფები, რომელიც ასახავს ჩიქოვანების გვარის ისტორიას.
ტურისტული მარშრუტები
All Rights Reserved © 2016 Created By 